El PP denuncia "l'abandonu" que sufre l'Hospital de Xarrio

Los populares envaloren qu'hai 4.517 pacientes en llistes d'espera pa una primer consulta

El PP denunció esti vienres que l'Hospital de Xarrio presenta los "peores datos" de la so hestoria, frutu del "abandonu" del Gobiernu rexonal, al cuntar, según les sos estimaciones, con 4.517 pacientes en llistes d'espera pa una primer consulta y con un tiempu d'espera mediu que supera los 131 díes.

Asina lo aseguró la diputada popular Pilar Fernández Pardo, nuna visita a la zona, quien esbilló por árees esperes de seis meses n'Uroloxía, de cinco n'Oftalmoloxía, de cuatro en Neuroloxía, de cinco en Rehabilitación y de tres n'Otorrinoralonxía.

Según denunció, los vecinos de la zona vense castigaos a esperar ente trenta y cien díes "más de media que cualesquier otru asturianu".